Novo sitio web en español, unha páxina na que poderemos acceder a distintos xogos de lóxica e habilidade así como resolver problemas ou ilusións.
Na sección "Xogos" poderemos visitar unha boa galería de xogos e adiviñanzas, tanto situacións que teremos que resolver coma textos-adiviñas nos que teremos que introducir a resposta. En "Ilusións" podemos acceder a unha boa galería de sorprendentes trucos que enganarán nosa vista, en "Problemas" teremos que resolver certas situacións que implicarán que teñamos que facer algúns cálculos e, en caso de que nos encallemos en calquera das adiviñanzas expostas, poderemos consultar a solución en "Blog" ou facer clic no botón "Pista" que nos aparece en moitas das entradas.
